Россиядә Остаз көне барлыкка килергә мөмкин

2024 елның 15 феврале, пәнҗешәмбе

Россиядә тагын бер бәйрәм - Остаз көне барлыкка килергә мөмкин. РФ Дәүләт Советының 2023 елның декабрь азагында узган укытучы һәм остазның ролен һәм абруен күтәрү мәсьәләсе буенча утырышы нәтиҗәләре буенча Президент Владимир Путин йөкләмәләре исемлеге Кремль сайтында бастырылган.

"Россия Мәгариф министрлыгына Россия Мәгариф һәм фән министрлыгы һәм Россия Хезмәт министрлыгы белән берлектә әзерләргә һәм остаз көнен билгеләү турында тәкъдимнәр бирергә", - диелгән документта.