Татарстан методистлары иң яхшы тәҗрибәләрне өйрәнәләр

2024 елның 15 феврале, пәнҗешәмбе

Республиканың иң яхшы методик тәҗрибәләрен  өйрәнү һәм тарату, педагогларның һөнәри үсешен тәэмин итү максатларында 2024 елның февраль аенда Татарстан методистлары республиканың муниципаль методик хезмәтләренең 10 мәйданчыгында «Педагогик хезмәткәрләргә һәм идарәче кадрларга адреслы ярдәм механизмнары» темасына стажировка уза.

Бүгенге көндә инде Арча, Алексеевск, Буа районнары, шулай ук Казанның Авиатөзелеш һәм Яңа Савин районнары хезмәттәшләре белән алдынгы методик тәҗрибә уртаклаштылар.

Февральнең икенче яртысында мондый стажировкалар Түбән Кама, Зәй, Нурлат, Саба, Биектау районнарында узачак.