Казанда илдәге иң зур мәктәпләрнең берсен проектлый башладылар
ТР башкаласында Казан мэры Илсур Метшин йөкләмәсе буенча 2500 урынлык мәктәп проекты эшлиләр. Мәктәп соңгы дөнья стандартлары һәм заманча белем бирү тенденцияләре буенча проектлана, анда иҗат өчен өстәмә аудиторияләр, төрле түгәрәкләр планлаштырылган. Хәзер белгечләр бина эчендә пространствоны оештыру вариантларын өйрәнәләр һәм аларны шәһәр инфраструктурасына кертү өчен мондый төр мәктәпләрне урнаштыру мәсьәләсен тикшерәләр. ТР башкаласында иң күп сыйдырышлы гомуми белем бирү учреждениесен проектлау турында мэр Илсур Метшинга узган ел нәтиҗәләре һәм 2024 елга планнар турында Казан үсеше институты директоры Алексей Горбунов сөйләде.
Казанның 2500 укучыга исәпләнгән беренче мәктәбен дүрт катлы бинада урнаштыру планлаштырыла. Корылма үзәгендә амфитеатр, яки барлык катларны берләштерүче атриум оештырыла. Бу мәйданчыкта концертлар, чыгышлар, лекцияләр, мастер-класслар һәм башка чаралар үткәрергә мөмкин булачак.
Проект буенча кече һәм өлкән сыйныф укучылары бинаның төрле корпусларында укыячак. Беренче катта башлангыч һәм урта звено укучылары өчен кабинетлар, 5-9 сыйныфлар өчен технокабинет, бассейн, ашханә, спорт залы һәм администрация зонасы урнаштыру планлаштырыла. Икенче катта икенче һәм урта сыйныф укучылары өчен кабинетлар, китапханә, тагын бер ашханә, бассейн һәм спорт залы җиһазландырылачак. Өченче кат 3-9 сыйныф укучылары өчен проектлана, шул ук вакытта кече сыйныф укучылары өчен аерым блок бүлеп бирәләр. Шул ук катта актлар залы һәм тагын бер спорт залы урнашачак. Соңгы, дүртенче кат өлкән сыйныф укучылары өчен билгеләнгән.