«Белем» җәмгыятенең Күзәтчелек советы утырышында мәктәп укучылары өчен агарту проектларын киңәйтү турында фикер алыштылар
Мәскәү шәһәренең 24 нче Технология көллиятенең тарих укытучысы Станислав Аманов СВОда катнашучыларның батырлыклары тарихы турында сөйли торган "Геройлар белеме" график новеллалары линейкасын киңәйтергә һәм мәгариф учреждениеләрендә басмалар таралуын дәвам итәргә тәкъдим итте. "Знание" Россия җәмгыятенең Күзәтчелек советы утырышында идеяне РФ Мәгариф министры Сергей Кравцов, Россия Федерациясе Президенты ярдәмчесе Владимир Мединский һәм "Просвещение" АҖ генераль директоры Наталья Третьяк хуплады.
Утырыш Мәскәүдә «Россия» Халыкара күргәзмә-форумында, ВДНХ ның 57 нче павильонында узды. Утырышның модераторы РФ Президенты Администрациясе җитәкчесенең беренче урынбасары Сергей Кириенко.
Россия Мәгариф министрлыгы башлыгы ассызыклаганча, агарту программаларында системалы якын килү мөһим: алар кече сыйныфлардан башлап төрле яшьтәге укучыларны колачларга тиеш. Шул ук вакытта агарту берләшмәләренә укытучыларны да, ата-аналарны да җәлеп итәргә кирәк.