«Орленка»да «Россия халыклары әкиятләре фестивале» программасы уза
«Орленок» Бөтенроссия балалар үзәгендә (ВДЦ) 11-16 яшьлек яшүсмерләр өчен «Россия халыклары әкиятләре фестивале» белем бирү программасы дәвам итә. Бу хакта бөтенроссия балалар үзәге матбугат хезмәте хәбәр итә. Анда вокаль, театр һәм хореография конкурслары лауреатлары, халык иҗаты белгечләре, шулай ук Сүрия Гарәп Республикасыннан 30 укучы катнаша.
Смена кысаларында балалар Россия халыклары мәдәниятен өйрәнәләр, Сирия укучылары рус сөйләм теле нигезләрен өйрәнәләр, илебезнең тарихы һәм географиясе белән танышалар. Россиянең төрле төбәкләренең милли мәдәнияте турында яшьтәшләренә сөйләгәндә,алар презентацияләр, иҗади чаралар, танып белү акцияләре һәм мастер-класслар әзерлиләр.
Сменаны "Гора самоцветов" дигән әкияти риваятьләр фестивале тәмамлый. Чарада яшүсмерләр Россия халыклары әкиятләрен, биюләрен күрсәтәчәк, милли уеннар уйнаячак һәм халык кәсепләре күргәзмәсендә булачак.
Смена 26 февральгә кадәр дәвам итә. Балалар фестиваль программасында катнашу нәтиҗәләре буенча сертификатлар алачак, ә төрле конкурсларда җиңүчеләр грамоталар һәм дипломнар белән бүләкләнәчәк.