Үзебезнең мәгариф системасының казанышларын «Россия» Халыкара күргәзмә-форумында күрсәттеләр
«Россия» Халыкара күргәзмә-форумының 75 нче павильонында Россия Федерациясе Хөкүмәте Рәисе урынбасары Татьяна Голикова һәм Россия Федерациясе Мәгариф министры Сергей Кравцов «Мөһим сөйләшүләр: мәгариф өлкәсе» пленар сессиясендә чыгыш ясадылар һәм Россия мәгариф системасының казанышлары, аның инфраструктурасын яңарту, тәрбия системасын үстерү һәм педагогик бергәлеккә ярдәм итү турында сөйләделәр. Чара илкүләм казанышлар форумы кысаларында Мәгариф көнендә узды.
Татьяна Голикова билгеләп үткәнчә, Россия халыкара олимпиадаларда катнашу нәтиҗәләре буенча иң көчле бишлеккә керде: 2023 елда укучылар 43 медальнең 43 ен яулады, шуларның 34 е алтын медаль.
Ул шулай ук, 2019 елдан өч яшькә кадәр балалар өчен яследә урын алу мөмкинлегенең 16% ка диярлек артуын һәм 2024 ел башына 99,5% тәшкил итүен әйтте, ә өч яшьтән алып җиде яшькә кадәрге балалар өчен - 100% диярлек.
РФ мәгариф министры Сергей Кравцов билгеләп үткәнчә, "Мәгариф" илкүләм проектын гамәлгә ашыру нәтиҗәсендә, инфраструктура сыйфаты һәм мәгариф системасы эчтәлеге үзгәрә. Пленар сессиядә Татьяна Голикова һәм Сергей Кравцов Россия Мәгариф министрлыгының алты федераль округыннан 14 регион җитәкчелеге вәкилләренә Рәхмәт хатлары тапшырдылар.
Шул ук көнне РФ Мәгариф министры Сергей Кравцов төбәк мәгариф министрлары киңәшчеләре белән очрашу үткәрде, алар арасында - финалистлар, лауреатлар, Бөтенроссия һөнәри педагогик конкурсларда җиңгән укытучылар. Киңәшчеләр Мәгариф министрлыгы башлыгына мәктәп мәгарифен үстерүгә юнәлтелгән проектлар турында сөйләделәр.