Россия Фәннәр академиясе турындагы закон проектын кабул итүгә милек буенча бәхәс этәрде - Дәүләт Думасында Татарстаннан депутат Илдар Гыйльметдинов

Узган матбугат конференциясендә Дәүләт Думасында Татарстаннан депутат Илдар Гыйльметдинов Россия Фәннәр академиясен реформалау турындагы законны кабул итү белән бәйле вәзгыятьне шәрехләде.
Искәртеп узабыз, 18 сентябрьдә Дәүләт Думасы РФА реформалау турындагы законны өченче укылышта кабул итте. Документ Фәннәр академиясенең төп вәкаләтләрен билгели, шулай ук аның эшчәнлеге белән идарә итү һәм финанслау тәртибен куя. Бүген документ Федерация Советы тарафыннан хупланды.
Депутатларга РФА реформасы турындагы закон проекты РФ Хөкүмәте тарафыннан тиз кертелүе аңлашылмады, бу мәсьәлә буенча академиклар арасында фикер алышу мөмкинлеге бар иде, дип белдерде Илдар Гыйльметдинов. Беренче укылышта закон проекты кабул ителгәч, ул галимнәр белән бергә эшкәртелде, 70 кә якын төзәтмә аны сизелерлек үзгәртте.
Бүгенге көндә милек мәсьәләсе бәхәсле калды. Бу закон проектын эшләүгә милек буенча бәхәс этәрде. РФА барлык милек бу оешманыкы булган элеккеге схемага кайтырга тәкъдим итте. Ә Хөкүмәт, киресенчә, аны дәүләткә тапшырырга теләмәде.
“Галимнәр фән белән шөгыльләнергә, ә милек белән дәүләт идарә итәргә тиеш”, - дип белдерде депутат журналистларга.
“Бер институт та ябылмады, бер галим дә эштән азат ителмәде, ә киресенчә, эшкә килүче яшьләр саны артырга тиеш”, - дип белдерде депутат.