Гадәттән тыш хәл вакытында нишләргә икәнен өйрәтүләр барлык балалар бакчаларында, мәктәпләрдә һәм көллиятләрдә узачак

2024 елның 22 феврале, пәнҗешәмбе

Бу хакта РФ мәгариф министрының беренче урынбасары Александр Бугаев хәбәр итте.

"Без гомуми белем бирү оешмаларында мондый укуларны үткәрдек инде һәм аларны даими рәвештә уздырырга кирәк дигән нәтиҗәгә килдек, - дип Бугаевның сүзләрен китерә ТАСС. - Моннан тыш, киләсе елдан алар бөтен ил буйлап мәктәпкәчә мәгариф оешмаларына да, урта һөнәри белем бирү оешмаларына да кагылачак.

Исегезгә төшерәбез, Россия мәктәпләрендә беренче тапкыр өйрәнүләр 2023 елның 29-30 августында узды. Хәбәр итү системаларының төзеклеген, оператив хезмәтләр һәм террорчылыкка каршы комиссияләр белән багланышларны тикшерделәр.