«Океан» балалар үзәгендә кышкы «Президент ярышлары» старт алды
Ярышлар программасына чаңгы ярышлары, биатлон, тимераякта шуу спорты гына түгел, теоретик конкурс та керә. Сораулар Олимпия уеннарына, инкыйлабка кадәрге Россиядә һәм СССРда спортны үстерүгә, спорт династияләренә багышланачак. Конкурсның финал этабы «Своя игра» форматында узачак.
Яшь спортчыларны Россия Федерациясе Мәгариф министры Сергей Кравцов сәламләде. Ул билгеләп үткәнчә, Россия Мәгариф министрлыгы балалар һәм яшьләр өчен физик культура һәм спорт үсешенә аерым игътибар бирә. Ярышларның финал этабында Россиянең тугыз төбәгеннән: Липецк, Кемерово, Самара, Чиләбе өлкәләреннән, Ямал-Ненец автономияле округыннан, Приморский, Хабаровск краеннан, Коми Республикасыннан, шулай ук Санкт-Петербургтан 144 укучы катнашты. Командалар мәктәп, муниципаль һәм төбәк этапларында җиңгән сигез егет һәм сигез кыздан тора.
Алар мәктәп, муниципаль һәм төбәк этапларының өч этабында җиңүчеләр. Хәзер яшь спортчыларга күнекмәләрен Бөтенроссия дәрәҗәсендә күрсәтергә туры киләчәк.