Кама Тамагы татар урта мәктәбендә наркотик һәм психотропик матдәләр вәзгыяте турында сөйләштеләр

Районның мәгариф белгечләре бу җәһәттән белем бирү учреждениеләре эшчәнлеген камилләштерү проблемасына тукталды
Кама Тамагы татар урта мәктәбендә гомумбелем бирү мәктәпләре директорлары, тәрбия эше буенча директор урынбасарлары, сыйныф җитәкчеләренең мәктәп методик берләшмәсе җитәкчеләре, үзәк район сырхауханәсе, полиция бүлекчәсе, ЦСОН хезмәткәрләре катнашында үткәрелгән киңәшмә балигъ булмаганнар арасында наркотик һәм психотропик матдәләр куллану һәм таратуны кисәтү буенча белем бирү учреждениеләре эшчәнлеген камилләштерү проблемасына багышланган иде.
Район мәгариф бүлеге җитәкчесе урынбасары Ирина Кузиева район мәгариф учреждениеләрендә наркотикларга каршы куркынычсызлык, наркоманлыкны кисәтүдә учреждение һәм оешмаларның ведомствоара үзара эшләвен формалаштыру мәсьәләсе буенча чыгыш ясады. ИМЦ МБУ методисты Владимир Осминин 2013 елның икенче ярты елында укучыларга кисәтү наркологик тикшерүләр оештыру һәм регламенты турында сөйләде. Үзәк район сырхауханәсе табиб-наркологы Александр Денисов киңәшмәдә катнашучыларны балалар һәм яшьләр арасында наркоманлыкны иртә кисәтү һәм психотроп матдәләр куллануга юл куймау нигезләре белән таныштырды.