Чыгарылыш укучылары бер фәннән БДИны июньдә яңадан бирә алачак

2024 елның 11 марты, дүшәмбе

2024 елның июнендә чыгарылыш сыйныф укучыларының Бердәм дәүләт имтиханының бер предметын яңадан бирү мөмкинлеге барлыкка киләчәк. Россия Президенты Владимир Путин тәкъдим иткәнчә, алар кабул итү кампаниясе ахырына кадәр яңа нәтиҗәләр ала алачак, дип белдерде Рособрнадзор башлыгы Анзор Музаев.

Музаев, яңадан биргәннән соң, чыгарылыш укучылары беренче һәм икенче вариант арасыннан сайлый алмаячаклар, чөнки беренче нәтиҗә гамәлдән чыгарылачак, дип ассызыклады. Якын арада үзгәрешләр БДИ уздыру һәм имтиханнар расписаниесе тәртибендә теркәләчәк. Төбәкләр белән консультацияләр алып барыла инде. Яңалыкларның төп максаты - абитуриент вакытында документлар тапшыру мөмкинлеге булсын өчен кабул итү кампаниясенең срокларында өлгерү.