Татарстан районнарда мәктәпләр һәм балалар бакчаларын ремонтлауга 180 млн сумга якын акча тотылачак
Татарстан районнарында 13 мәктәп, балалар бакчасы һәм башка объектларны төзекләндерүгә 179,5 млн сум акча тотылачак. Бу хакта тендер дәүләт сатып алулары порталында бастырылган.
Шулай итеп, агымдагы елның 1 декабренә кадәр Кайбыч районының Кече Мәми мәктәбендә, Әлмәтнең “Гуси-лебеди” 40 нчы катнаш балалар бакчасында, 1 нче “Солнышко” Иске Чүпрәле балалар бакчасында, Чүпрәле районында “Ивушка” балалар бакчасында, Актаныш районында Такталачык авылында сәламәтлеге чикле балалар өчен интернат-мәктәптә эшләр планлаштырылган.
Финанслау Татарстан бюджетыннан.
Исегезгә төшерәбез, республикада «Татарстан - казанышлар республикасы» проекты эшли башлады. Аның максаты - безнең республика ирешкән уңышлар турында сөйләү, һәркемгә Ватаныбызның фәнни, технологик һәм мәдәни потенциалы белән танышу мөмкинлеге бирү.