Казанда «Ел укытучысы - 2024» конкурсында абсолют җиңүче Радик Хәбиров
Катнашу өчен 377 кеше гариза биргән, ярышлардан соң шәһәр этабына 109 педагог узган. 108 нче мәктәпнең физика укытучысы Радик Хәбиров абсолют җиңүче булды. Финалга чыгучыларга бүләкләрне Казан мэры Илсур Метшин тапшырды.
Илсур Метшин искәрткәнчә, быел Казанда өч мәктәп төзелә, шулай ук 19 нчы гимназиядә төзелеш төгәлләнгән. «Без 17 мәгариф оешмасы бинасын ремонтладык. Инфраструктураны камилләштерүне быел да дәвам итәбез. Аерым алганда, алты учреждение һәм ике дистәгә якын азык-төлек блокларына капиталь ремонт ясаячакбыз. Минем республика Рәисе Рөстәм Миңнехановка моңарчы күрелмәгән ярдәм өчен рәхмәт әйтәсем килә - Казан соңгы 10 ел нәтиҗәләре буенча Россия Федерациясе субъектларының социаль инфраструктураны үстерү буенча барлык башкалалары арасында абсолют беренче урында тора, - дип өстәде мэр.
Укытучылар көне алдыннан шәһәр мэры Илсур Метшин Казан педагоглары белән очрашты һәм алар белән заманча мәктәп проблемалары һәм перспективалары турында фикер алышты. Шәһәр башлыгы яшь укытучыларга грантлар күләмен арттырырга карар кабул итте.
Аннары Илсур Метшин быелгы конкурс финалистларына бүләкләр тапшырды. Шәһәр этабы ноябрьдән февральгә кадәр үткәрелде. Бу вакыт эчендә укытучылар төрле сынаулар үттеләр, һөнәри осталыкларын күрсәттеләр: ачык дәресләр, тәрбия чаралары алып бардылар, мастер-класслар һәм педагогик остаханә эшен оештырдылар.
108 нче мәктәптә физика укытучысы булып эшләүче Радик Хәбиров бәйгенең абсолют җиңүчесе булды.. "Башка шәһәрләрдәге коллегалар белән аралашканда, аларның безнең мәгариф турындагы бәяләмәләрен ишетү һәрвакыт күңелле. Мондый мизгелләрдә горурлык тоясың. Мәсәлән, бер коллега миңа аларның педсоветларында алар һәрвакыт Казанда барысы да ничек яхшы дип фикер алышалар, диде. Һәм бу дөрес. Мин Казан мәгарифе командасы әгъзасы булуым белән горурланам, - диде Радик Хәбиров.
«Укытучы-предметник» номинациясендә - 23 нче лицейдан Екатерина Бортникова, «Адымнар - белем һәм татулыкка юл» полилингваль комплексыннан Оксана Михеева, 183 нче гимназиядән Динар Вәлиуллин, КФУ каршындагы 2 нче татар гимназиясеннән Эдгар Рәхимов һәм 139 нчы гимназиядән Надежда Тимирханова. Икенче урынны Л.Мурысин исемендәге 94 нче гимназиядә эшләүче Әдилә Нәбиуллина, Өченче урынны - Екатерина Алаева яулады, ул 18нче мәктәптә укыта.
Татар теле һәм әдәбияты укытучылары арасында 149 нчы лицейдан Рафия Хөснетдинова иң яхшысы булды. Икенче урында - 33 нче гимназиядән Хәмзия Хөснетдинова. Өченче урында 19 нчы гимназиядә эшләүче Ләйлә Гарифҗанова игълан ителде. 170 нче күппрофильле лицейдан Айнур Ибраһимов һәм 21 нче гимназиядән Минзилә Хәбибрахманова әлеге номинациядә лауреат булдылар.
"Педагогик дебют" номинациясендә җиңүче дип Ж.Зайцева исемендәге 122 нче гимназиядән Ксения Епишеваны таныдылар. Икенче урында 6 нчы гимназия укытучысы Диана Кәримова. Ә өченче урынны 15 нче мәктәптән Алинә Гарифуллина һәм 39нчы мәктәптән Екатерина Харитонова бүлеште.
«Педагог-ветеран» номинациясендә иң тәҗрибәле укытучы итеп 14 нче рус-татар мәктәбеннән Валентина Головушкина табылды. Икенче урынны «Ресурс» 146 нчы лицееннан Саодат Рахманова алды. Өченче урын - 126 нчы гимназиядән Валентина Новиковада.
168 нче мәктәптән Винер Хәбибуллинны, А.Чехов исемендәге 67 нче мәктәптән Гөлүзә Макарованы, 70 нче мәктәптән Марина Тихонованы һәм 127 нче мәктәптән Ирина Туманованы лауретлар дип игълан иттеләр.
"Педагог ОБЖ" номинациясендә жюри Радик Идиятовка җиңү яулады, ул 185 нче күппрофильле лицейда эшли. Икенче урында - 182 нче номерлы политехник лицейдан Разих Камалов, өченче урында - 171 нче мәктәптән Эмиль Фәйзуллин.
Педагог-психологлар арасында Рано Хәсәнбаева җиңү яулады. Ул 289 нчы балалар бакчасында эшли. Икенче урында - 54 нче мәктәптән Ксения Емельянычева. Өченче урында 12 нче мәктәптән Инна Ханжина .
Яңа номинация - «Укытучы-дефектолог» - 180 нче күппрофильле полилингваль гимназиядән Алсу Җаббаровны иң көчлесе дип билгеләделәр. Икенче урынны - Дарья Антипова, ул 1нче мәктәптә эшли, ә өченче урынны 188 нче күппрофильле лицейдан Елена Карсакова алды.
Икенче яңа номинациядә - «Укытучы-логопед» - 136 нчы мәктәптән Юлия Антонова җиңү яулады. Икенче урында - 293 нче балалар бакчасыннан Гөлназ Ганиева. Өченче позициядә - 14 нче балалар бакчасында эшләүче Анна Любавина.
«Мәктәпкәчә белем бирү учреждениесе тәрбиячесе» дип 36 нчы балалар бакчасыннан Регина Дәүләтшинаны атаганнар. Икенче урынны 189 нчы балалар бакчасыннан Алена Карбина, ә өченче урынны 44 нче балалар бакчасында эшләүче Екатерина Шагиева һәм 370 нче балалар бакчасыннан Чулпан Пеплайкина алды.
Балалар бакчаларында инклюзив белем бирүнең иң яхшы укытучысы 63 нче балалар бакчасыннан Ләйлә Ведерникова булды. Шул ук номинациядә икенче урынны 282 нче балалар бакчасында укучы Гөлсинә Галимова, өченче урынны 316 нчы балалар бакчасыннан Татьяна Серикова алды.
Ә мәктәпләрдә инклюзив белем бирүнең иң яхшы укытучысы дип 1 нче мәктәптән Лилия Березинаны таныдылар. Икенче урында - 65 нче татар-рус мәктәбендә укытучы Екатерина Ибраева. 140 нчы мәктәптән Елена Абдуллина өченче урынны алды.
Татар телендә белем һәм тәрбия алган төркемнәрдә тәрбиячеләр арасында 346 нчы балалар бакчасыннан Эльвира Солтанова җиңү яулады. Икенче урында - 252 нче мәктәпкәчә белем бирү учреждениесендә эшләүче Эльмира Җиһаншина. Өченче урынны 209 нчы балалар бакчасыннан Зөһрә Галимҗанова һәм 112 нче балалар бакчасыннан Гөлназ Бәдертдинова алды.