Лениногорскида гамәли геология һәм нефть-газ эше буенча студентларның һөнәри осталыгы республика олимпиадасында җиңүчеләрне билгеләделәр

Төп максаты - иң сәләтле һәм талантлы студентларны ачыклау, аларның һөнәри осталыгын камилләштерү, нефть профиле белгечлекләренең абруен күтәрү.

Олимпиадада 5 һөнәри белем бирү оешмасыннан 25 студент катнашты: Әлмәт политехника техникумы, Лениногорск политехника көллияте, Бөгелмә машина төзелеше техникумы, Г.И. Усманов ис. Чистай авыл хуҗалыгы техникумы, Лениногорск нефть техникумы.

Олимпиаданың дүрт этабында теоретик һәм практик биремнәр бар иде: гомумһөнәри дисциплиналар буенча тестлаштыру, чит телдә  текст тәрҗемә итү, һөнәри юнәлешле бурычларны хәл итү һәм гамәли биремне үтәү.

Эксперт комиссиясе эше нәтиҗәләре буенча ярышларның җиңүчеләре, призерлары һәм номинантлары билгеләнде:

1 урын Романов Андрей, Логачев Олег (Лениногорск нефть техникумы)

2 урын Швыдченко Николай, Матвеев Данил, Новиков Вадим (Лениногорск нефть техникумы),

3 урын - Җиһангиров Салават, Ямиев Динар, Даешов Данис (Әлмәт политехника техникумы),  Мостафин Ленар, Пономарев Вадим (Лениногорск нефть техникумы),  Артемов Никита (Бөгелмә машина төзелеше техникумы).