Путин студентларга өстенлекле белгечлекләр өчен яңа стипендия булдыруны йөкләде

2024 елның 18 марты, дүшәмбе

Өстенлекле белгечлекләр буенча белем алучы студентлар 30 мең сум күләмендәге стипендия ала башларга мөмкин. 25 гыйнварда узган Калининград өлкәсе югары уку йортлары укучылары белән очрашу нәтиҗәләре буенча тиешле йөкләмәне Президент Владимир Путин бирде. Үтәү срогы - 2024 елның 1 июненә кадәр, җаваплы - Премьер-министр Михаил Мишустин һәм Президент Администрациясе җитәкчесе Антон Вайно.