Казанда «Ел укытучысы» Бөтенроссия конкурсының төбәк этабы башланды

2024 елның 18 марты, дүшәмбе

18 мартта Казанда «Ел укытучысы» Бөтенроссия конкурсының төбәк этабы башланды.

Конкурс Казанда ике мәйданчыкта уздырыла: «Адымнар - белем һәм татулыкка юл» полилингваль комплексында һәм Яңа Савин районы мәгариф үзәге- 179 нчы гимназиядә («Педагогик дебют»).

“Ел укытучысы” конкурсында 42 укытучы катнаша. Алар арасында - башлангыч сыйныф, математика һәм информатика, рус теле һәм әдәбияты, инглиз теле, физика, химия, тарих, информатика, физиктәрбия  укытучылары.

«Педагогик дебют» конкурсында 20 яшь укытучы катнаша, шул исәптән - башлангыч сыйныф, математика, рус теле һәм әдәбияты, инглиз теле, физика, химия, биология, тарих һәм җәмгыять белеме укытучылары.