Татарстанның 2024 ел укытучысын атаячаклар
22 мартта Казанда “Ел укытучысы” Бөтенроссия конкурсының төбәк этабына нәтиҗә ясаячаклар һәм Татарстан Республикасының иң яхшы укытучысын атаячаклар. Конкурсның финал этабы Казанда 18 марттан ике мәйданчыкта уза: «Адымнар - белемнәргә һәм татулыкка юл» полилингваль комплексында һәм Яңа Савин районы мәгариф үзәге-179 нчы гимназиядә («Педагогик дебют»).
“Ел укытучысы” конкурсының төбәк этабында зона этапларында җиңүче 42 педагог катнаша. Алар арасында - башлангыч сыйныф, математика һәм информатика, рус теле һәм әдәбияты, инглиз теле, физика, химия, тарих, информатика, физик культура укытучылары.
«Педагогик дебют» конкурсында 20 яшь укытучы катнаша, шул исәптән - башлангыч сыйныф, математика, рус теле һәм әдәбияты, инглиз теле, физика, химия, биология, тарих һәм җәмгыять белеме укытучылары.