Аксубайда опекун һәм попечитель гаиләләрендә балалар мәнфәгатьләрен яклау буенча түгәрәк өстәл узды

2024 елның 22 марты, җомга

Аксубайда “Гаилә елына” багышланган чаралар циклы кысаларында “Опекун һәм попечитель гаиләләрендә балаларның мәнфәгатьләрен яклау” темасына түгәрәк өстәл узды. Анда  Аксубай районының опекун һәм попечитель гаиләләре - ятим балаларга торак бирү һәм аларга сак мөнәсәбәт буенча бурычларның үтәлеше һәм торак-коммуналь хуҗалыгы хезмәтләре өчен түләүне вакытында кертү мәсьәләләре турында фикер алыштылар.

Түгәрәк өстәл эшендә Аксубай районы башкарма комитеты хезмәткәрләре, ТР Дәүләт Советы депутатлары, «Татарстан - яңа гасыр» республика иҗтимагый хәрәкәте хезмәткәрләре, ТР Мәгариф һәм фән министрлыгы вәкилләре , ата-ана тәрбиясеннән мәхрүм калган балаларны гаилә коруга ярдәм итү үзәге хезмәткәрләре катнашты.