Казан мәктәбе педагогы Радик Хәбиров - Татарстанның ел укытучысы

2024 елның 23 марты, шимбә

Казанның  108 нче мәктәбенең физика укытучысы Радик Хәбиров Татарстанда “Россиянең  ел укытучысы - 2024” конкурсының республика этабында җиңүче булды. Ул республиканы сентябрьдә-октябрьдә Саратов өлкәсендә узачак бөтенроссия конкурсы финалында тәкъдим итәчәк.

Журналистлар белән әңгәмәдә җиңүче башта  инженер-төзүчегә укуын , төзелеш университетын кызыл дипломга тәмамлавын белдерде.

Конкурсант фикеренчә, хәзерге укытучы теләсә нинди үзгәрешләргә әзер булырга һәм стресска чыдам булырга тиеш. " Балалар белән бер дулкында булу мөһим. Аларның һәркайсына ачкыч табарга кирәк», - дип ассызыклады ул.

Хәбировка Татарстан мәгариф һәм фән министры Илсур Һадиуллин    диплом,  статуэтка һәм акчалата сертификат тапшырды.