2023 елда медицина юнәлешендәге чараларда 20 меңнән артык укучы катнашкан
Бу хакта Россия Федерациясе Мәгариф министрының беренче урынбасары Александр Бугаев “Медицина профориентациясе - сәламәтлек саклау өлкәсендә алга таба һөнәри эшчәнлеккә башлангыч” темасына Федерация Советының Социаль сәясәт комитеты каршындагы сәламәтлек саклау буенча эксперт советы утырышында белдерде.
Ул билгеләп үткәнчә, медицина белеме нигезләре, сәламәтлекне саклау һәм ныгыту мәсьәләләре «Әйләнә-тирә дөнья» предметы кысаларында башлангыч сыйныфларда, ә урта мәктәптә биология дәресләрендә һәм тормыш эшчәнлеге иминлеге нигезләрендә (киләсе уку елыннан - «Ватанны саклау һәм иминлек нигезләре» ) өйрәнелә.
Александр Бугаев хәбәр иткәнчә, медицина тармагына караган «Профессионаллар» чемпионатларында һәм Югары технологияләр чемпионатында тугыз компетенция буенча үткәрелгән: «Акушерлык эше», «Биопротезирование», «Индивидуаль имплантлар әзерләү», «Лаборатор медицина анализы», «Дәвалау эше (Фельдшер)», «Медицина оптикасы», «Медицина һәм социаль тәрбия», « Ортопедик стоматология », «Фармацевтика». 2023 елда әлеге компетенцияләрдә 1093 конкурсант үз осталыкларын күрсәтте.
Бүген медицина юнәлешендәге урта һөнәри белем бирү программалары буенча кадрлар әзерләү түбәндәге дүрт белгечлек төркемендә алып барыла: «Клиник медицина», «Сәламәтлек турында фәннәр һәм профилактик медицина», «Фармация», «Шәфкать туташы эше». Булачак табиблар 361 көллияттә һәм 165 филиалда, шулай ук 67 югары уку йортында һәм аларның филиалларында белем ала.
Сәламәтлек саклау буенча Эксперт советы утырышын Федерация Советының Социаль сәясәт комитеты рәисенең беренче урынбасары Ольга Забралова уздырды, анда Россия Федерациясе сәламәтлек саклау министры урынбасары Татьяна Семенова, сәламәтлек саклау буенча эксперт советы рәисе Константин Котенко, төбәк башкарма хакимият органнары вәкилләре, эксперт җәмгыяте әгъзалары катнашты. Алар сәламәтлек саклау системасын кадрлар белән тәэмин итү, һөнәри юнәлешле чаралар уздыруның мөһимлеге, шулай ук укучыларны иртә профориентацияләүдә югары уку йортларының роле турында сөйләштеләр.