Казан дәүләт энергетика университеты студентлары поезд ауган вакытта үзләрен чын профессионаллар итеп күрсәттеләр
Казан энергетика университеты студентлары Рамир Мостафин, Анастасия Захарова һәм Рузилә Әхмәдиева бу поездда студентлар отряды составында озатучылар ( проводник) булып эшлиләр.
Алар югалып калмыйлар, коткаручылар белән беррәттән пассажирларга мөмкин булганча ярдәм иттеләр, балаларны һәм аларның әти-әниләрен тынычландырдылар.
Татарстанның Әгерҗе районыннан КДЭУның дүртенче курс студенты Рүзилә Әхмәдиева «Energy» университетлар студент отрядында өченче ел эшли. Поезд ауган вакытта ул дүртенче вагонда була.
29 июль кичендә, ликвидации эшләре беткәч вагоннарны озатучыларга Россия тимер юллары хисабына билетлар сатып алганнар, һәм Рузилә Казанга кайткан. Калган озатучылар, шул исәптән «Energy» студентлар отряды Штаб СО КГЭУның «Тесла» студентлар отрядыннан Рамир Мостафин һәм Анастасия Захарова сәяхәтне өзәргә теләмәгән пассажирлар белән бергә юлны дәвам иттерделәр. Алар исән-имин Адлерга барып җиттеләр, ә 3 августта Казанга кайттылар.
Анастасия Захарова 9 августта яңадан рейска китә. Бу юлы Яңа Уренгойга. Ул миңа эш бик ошый ди, чөнки Россия буенча сәяхәт итәргә һәм төрле кешеләр белән аралашырга мөмкин.