Чаллы укытучылары мәктәп ишегалдында ләкләкләр композициясен ясаганнар

2024 елның 7 августы, чәршәмбе

12 нче мәктәпнең технология укытучысы Ольга Асафьева һәм инглиз теле укытучысы Ләйсән Гарипова мәктәп ишегалдында оялары янында 2 ләкләк композициясе ясаганнар.

Композиция кул астындагы материаллардан эшләнгән: картон, синтепон, капчыклар. Хәтта оя өчен ботаклар да мәктәп территориясеннән алынган. Композицияне өч көн эчендә эшләгәннәр.

Быел Россиядә Гаилә елы . Шунысы үзенчәлекле,ләкләк оясында өч йомырка ята, бу күп балалы гаиләне аңлата.

Комсомол районы администрациясе мәктәп ишегалдын бизәгән өчен укытучыларга һәм мәктәп директоры Илүсә Яруллинага ихлас рәхмәтен белдерә.