Балалар һәм яшьләр интеллектуаль иҗатының төбәкара«Тартария» форумы старт алды
4 августта Зеленодольск муниципаль районының «Дельфин» шифаханә-профилакторие базасында «Тартария» балалар һәм яшьләр интеллектуаль иҗатының төбәкара форумы старт алды. Лагерьда Россиянең 12 субъектыннан 150 укучы катнаша (Әстерхан, Саратов, Төмән, Ульяновск, Түбән Новгород, Оренбург, Самара өлкәләре, Мәскәү шәһәре, Башкортостан Республикасы, Пермь крае, Татарстан Республикасы).
«Тартария» балалар һәм яшьләр интеллектуаль иҗатының төбәкара форумы - тел тирәлегенә бәйле туган татар телен популярлаштыруга юнәлдерелгән мәгариф проекты.
Төбәкара сменада катнашучылар өчен галимнәр, югары уку йортлары укытучылары, язучылар, талантлы яшьләр белән очрашулар һәм мастер-класслар планлаштырылган, Татарстан Республикасы музейларына экскурсияләр оештырылган.
Республика һәм Россия төбәкләреннән килгән татар балаларын татар теленә тирән өйрәтү максатында укытучылар тарафыннан татар теле дәресләре уздырыла, шулай ук вокал, хореография, кул эшләре, рәсем ясау, татар халкы тарихы дәресләре, ә төп тел мохите оештырылачак.