«Апуш» театр студиясендә тәрбияләнүчеләр Туфан Миңнуллин пьесалары буенча эскизлар куячаклар
Казанда 19 августтан 25 августка кадәр Туфан Миңнуллин исемендәге «Күзлек» балалар театр лабораториясе узачак. Җиде көнлек чараны "Апуш" театр студиясе тарафыннан куелган "Авыл эте Акбай" мюзиклы ачачак.
«Күзлек»нең оештыручысы Алия Фәйзрахманова сүзләренә караганда, быел «Апуш» студиясенең барлык төркемнәрендә тәрбияләнүчеләр генә катнаша. Дәресләрнең үзенчәлеге педагогларны алыштыру булачак - һәр укытучы башка коллективларның балалары белән эшли алачак.
Вакыйгада катнашучыларны мастер-класслар һәм драматургның кызы Әлфия Миңнуллина белән очрашу көтә. Балаларга язучының пьесалары буенча эскизлар куярга кирәк булачак, алар 25 августта Туфан Миңнуллинның туган көнендә тәкъдим ителәчәк.
Беренче куелышны - "Авыл эте Акбай" мюзиклын - "Чулпан" мәдәни үзәгендә күрсәтәчәкләр. Чара 18:00 сәгатьтә башлана. Барлык теләүчеләр өчен керү ирекле.
Киләсе елда башка театраль студияләрдән балалар катнашында фестиваль форматында лабаротория уздыру планлаштырыла. Вакыйга драматургның 90 еллыгына туры киләчәк, дип хәбәр иттеләр Казан башкарма комитетының тел культурасы өлкәсендә милли сәясәтне гамәлгә ашыру бүлегендә.