Казанда яңа уку елында 19 меңнән артык беренче сыйныф укучысы мәктәпкә барачак

2024 елның 19 августы, дүшәмбе

Казанда яңа уку елында мәктәп парталары артына  182,3 мең укучы утырачак, бу узган ел белән чагыштырганда 8 меңгә күбрәк. Шуларның 19 меңнән артыгы - беренче сыйныф укучылары. Иң күп беренче сыйныф укучыларын 184 нче гимназия кабул итәчәк, анда  беренчегә  12 сыйныф җыелган. Шулай ук рекордчылар арасында 185 номерлы лицей, анда 13 беренче сыйныф, 186-13 беренче сыйныф , 182 нче лицей һәм 107 нче гимназиядә  11 әр беренче сыйныф ачылачак.

Белем көнендә Казанда «Яз» торак районында, М14 микрорайонында һәм Родина  урамында  өч яңа мәктәп ачылачак. Аларда 4 меңгә якын укучы белем алачак.