Яңа уку елына әзерлек кысаларында Илсур Һадиуллин Казанның яңа мәктәпләрендә төзү эшләре барышын карады

2024 елның 19 августы, дүшәмбе

Яңа 2024/2025 уку елына әзерлек кысаларында Татарстан мәгариф һәм фән министры Илсур Хәдиуллин Казанда яңа мәктәпләр төзелеше барышын карады. Быел республика башкаласында өч гомуми белем бирү оешмасы ачылачак: 1501 урынга исәпләнгән  «Весна-2» торак комплексында, 1224 шәр урынга исәпләнгән М14 микрорайонындагы  һәм «Яңа Горки» торак комплексындагы мәктәпләр.  Мәктәпләр «Мәгариф» илкүләм  проекты кысаларында төзелә.

Республикада уку елы башына барлыгы 8 яңа мәктәп һәм гамәлдәге мәктәпләргә өстәмә 2 корпус ачу планлаштырыла.