Белем көненә башлангыч сыйныф укучылары Казан мэриясеннән бүләкләр алачак
Белем көненә Казан мэриясе укучылар өчен бүләкләр әзерли. Беренче сыйныф укучыларына «Игелекле эшләр көндәлеге» һәм яктылык кайтаргыч элементлар, икенче сыйныф укучыларына - «Яшь эколог көндәлеге» тапшырылачак. Бу хакта эшлекле дүшәмбедә мәгариф идарәсе җитәкчесе Ирек Ризванов хәбәр итте.
Гадәттәгечә, уку елы тантаналы линейкадан башлана. Быел 1 сентябрьдә ял көненә туры килә, шуңа күрә укучылар дүшәмбедән- 2 сентябрьдән укый башлаячак.
3 сентябрьдә барлык сыйныфларда «Экстремизму – нет!»! темасына дәресләр, Бесландагы фаҗига көненә багышланган сыйныф сәгатьләре һәм әңгәмәләр планлаштырылган.
5 сентябрьдә “Юл хәрәкәте иминлеге көне” узачак, аның кысаларында мәктәпләрдә юллардагы тәртип кагыйдәләрен саклауның мөһимлеге турында искәртүче чаралар оештырыла.
5-12 сентябрь көннәрендә мәктәпләрдә “Яхшылык атнасы” узачак.
Атналык балалар йортларына, авыруларга һәм мохтаҗ балаларга, йорт-җирсез хайваннарга ярдәм йөзеннән хәйрия ярминкәләре уздыру белән тәмамланачак.