Татарстан укытучыларга тәкъдим ителә торган уртача хезмәт хакы буенча топ-3 төбәккә керде
2024 елның икенче кварталында Татарстан укытучыларга тәкъдим ителә торган уртача хезмәт хакы суммасы буенча төбәкләр арасында өченче урынны алды. Өч елга кадәр эш тәҗрибәсе булган белгечкә төбәктә 46 меңнән алып 100 мең сумга кадәр түләргә әзер. Узган елның шул ук чоры белән чагыштырганда сумма 12% ка арткан, дип хәбәр итә ТАСС "Авито работа" платформасы тикшерүгә сылтама белән.
Рейтингта башкала төбәге һәм Ленинград өлкәсе исәпкә алынмаган. Беренче урын Ханты-Манси автономияле округында, анда яшь педагогларга 60 мең сумнан 120 мең сумга кадәр түләргә әзерләр. Аннары Свердловск өлкәсе - 50-110 мең сум. Татарстаннан соң Төмән өлкәсе - 46-95 мең һәм Краснодар крае - 50 дән 90 мең сумга кадәр.
Аналитиклар шулай ук Россия төбәкләрендә укытучыларга ихтыяҗны анализлаган. Ул барыннан да бигрәк Оренбург өлкәсендә арткан - 72% ка, Ямал-Ненец автономияле округында - 49% ка һәм Пермь краенда 37% .