Закон чыгару инициативалары конкурсы
Максим Роганов исемендәге закон чыгару инициативалары конкурсына гаризалар кабул итү дәвам итә. Җиңүчеләр РФ Дәүләт Думасында стажировка уза алачак. Анда 14 яшьтән РФ гражданнары катнаша ала.
Катнашу өчен проблема, аны чишү юлларын һәм законнарны җайга салу буенча тәкъдимнәрне үз эченә алган иҗади тикшеренүне тәкъдим итәргә кирәк. Эшләрне кабул итү - 20 сентябрьгә кадәр сылтама буенча. Нечкәлекләре - конкурс турындагы нигезләмәдә.
Тикшеренү аерым бер юнәлеш буенча фәнни җитәкче белән башкарылырга тиеш:
- физик культура, спорт, туризм һәм экология;
- мәгълүмат сәясәте, мәгълүмат технологияләре һәм элемтә;
- мәдәният, мәгариф;
- хезмәт, социаль сәясәт һәм сәламәтлек саклау;
- икътисад һәм эшкуарлык;
- региональ сәясәт, инфраструктура һәм торак-коммуналь хуҗалык үсеше;
- гражданнар җәмгыяте, җирле бергәлекләр үсеше, милләтләр эше, халыкара эшләр һәм иминлек;
- регламент һәм контроль;
фән һәм инновация сәнәгате;
- яшьләр сәясәте.
Иң яхшы эшләр авторлары 20 октябрьдән 30 ноябрьгә кадәр көндезге яки ВКС-яклауга чакырылачак.
Конкурс РФ Федераль Җыены Дәүләт Думасы каршындагы Яшьләр парламенты тарафыннан уздырыла һәм Донецк Халык Республикасының Яшьләр парламенты рәисе Максим Владимирович Роганов истәлегенә багышланган.