Мәктәпләр һәм сайлау комиссияләре өчен тиз интернетка тагын 3,7 млрд сумнан артык акча бүләчәкләр

2024 елның 27 августы, сишәмбе

Федераль бюджеттан мәктәпләрне, көллиятләрне һәм сайлау комиссияләрен интернетка югары тизлекле һәм сакчыл керү мөмкинлеге белән тәэмин итү буенча хезмәтләр күрсәтүгә 3,7 миллиард сумнан артык өстәмә акча җибәреләчәк. Әлеге күрсәтмә 27 августта Хөкүмәт сайтында басылып чыкты.

Бу регионнарда 49,2 меңләп дәүләт һәм муниципаль белем бирү оешмалары һәм сайлау комиссияләреннән интернетка керү мөмкинлеген тәэмин итәргә мөмкинлек бирәчәк.