" Приоритет-2030" партнерлардан 136 млрд сум җәлеп итәргә ярдәм иткән
Югары уку йортларына ярдәм итүче "Приоритет-2030" программасы индустриаль партнерлардан 136 млрд сум җәлеп итәргә булышкан.
Бу хакта "Технопром-2024" форумының пленар утырышы вакытында РФ вице-премьеры Дмитрий Чернышенко хәбәр итте. " Программа гамәлдә булган вакытта без 6 мең индустриаль партнердан 136 млрд. сум җәлеп иттек", - диде ул.
Чернышенко ачыклык керткәнчә, программада Россиянең 56 төбәгеннән 143 югары уку йорты катнаша. РФ вице-премьеры шулай ук "Алдынгы инженерлык мәктәпләре" проектын гамәлгә ашыруны билгеләп үтте, анда Татарстан Республикасы лидерлар рәтендә. Хәзер проектта бөтен Россия буенча 6 меңнән артык кеше катнаша. Чернышенко билгеләп үткәнчә, проект кысаларында 160 лаборатория булдырылган, 700дән артык яңа белем бирү программасы эшләнгән.