Чернышенко Белем көне белән котлады: Укучылар сыйфатлы белем алачак
Тәҗрибәле педагоглар җитәкчелегендә мәктәп укучылары заманча сыйфатлы белем алачак. Бу хакта РФ Хөкүмәте рәисе урынбасары Дмитрий Чернышенко белдерде, укытучыларны, мәктәп укучыларын һәм аларның әти-әниләрен Белем көне белән котлады.
«Тәҗрибәле педагоглар җитәкчелегендә барлык этапларда мәктәп укучылары заманча сыйфатлы белем алачак. Президент Владимир Путин куйган илкүләм максатка ирешү нәкъ менә шушы мөмкинлек бирә: һәр кешенең потенциалын тормышка ашыру, аның талантын үстерү, патриотик һәм социаль җаваплы шәхес тәрбияләү», - дип өземтә китерә РФ хөкүмәте матбугат хезмәте.
Аның сүзләренә караганда, бүгенге көндә мәгариф өлкәсенә ярдәм итү һәм үстерү буенча барлык чаралар «Яшьләр һәм балалар» яңа илкүләм проектына берләшә.
Спикер Россия хөкүмәте уку инфраструктурасын булдыруны һәм яңартуны, балаларның иртә профориентациясенә ярдәм итүне, "Профессионалитет" программасын киңәйтүне дәвам итәчәк, дип өстәде.
Ахырда вице-премьер укучыларга, укытучыларга һәм ата-аналарга яхшы кәеф, иминлек һәм яңа уку елында зур уңышлар теләде.