Актаныш районында МХОда катнашучыларның балаларын уку елы башлану белән котладылар
Республика һәм район җитәкчелеге махсус операциядә катнашучыларның балаларын уку елы башлану белән котлады. Актаныш районы башлыгы Ленар Зарипов һәм ТР Дәүләт Советы депутаты Альберт Хәбибуллин әтиләре хәрби бурычларын үтәгәндә һәлак булганнарның балалары белән очраштылар.
Актанышта яшәүче Динар Мөхәммәтшин 1нче Актаныш урта мәктәбендә 9 нчы сыйныфта укый. Яңа уку елы белән аны һәм Әдилә Мостафинаны котладылар. Аның әтисе - Илдус Мостафин - Актаныш авылында туып үскән. Хәзерге вакытта Адилә әтисе дә белем алган мәктәптә укый. Илдус. 2023 елның 15 сентябрендә контракт төзеп МХО зонасына китә. Кызганычка каршы, Илдус Мостафин 2024 елның 21 гыйнварында хәрби бурычны үтәгәндә һәлак була. Үлгәннән соң Батырлык ордены белән бүләкләнгән.
Хәзерге вакытта Адилә әнисе Альбина белән яши..
Камилә белән Алинә Латыйповлар да әтиләренең көчле рухы булуы белән горурланалар, Алар югалту ачысын әниләре Алсу әнисе белән бергә кичерәләр, аңа ярдәм итеп торалар. Аларның әтиләре Фәнис Латыйпов “Актаныш икмәк кабул итү” предприятиесендә эшли. 2023 елның 15 сентябрендә хәрби хезмәт узу турында контракт имзалый. Фәнис быел 11 мартта Авдеевка өчен каты сугышларда һәлак була.
Ленар Зарипов, балалары һәм аларның якыннары белән аралашып, әтиләренең батырлыгын билгеләп үтте, мәктәптә яхшы укырга, әниләре сүзләренә колак салырга кушты.