Казан федераль университеты Татарстанда беренче экосыйныфны фәнни шефлыкка алды
Татарстанның Яшел Үзән муниципаль районының 2 нче номерлы мәктәбендә “Экология - һәркем эше” Халыкара балалар-яшүсмерләр премиясе эгидасы астында республикада беренче экосыйныф ачылды. Сыйныф Казан федераль университетының Экология һәм табигатьтән файдалану институты ярдәмендә төзелде.
Профильле экоюнәлеш укучылары 5-9 нчы сыйныф укучылары экологияне тирәнтен өйрәнәчәкләр, лабораторияләр эше белән танышачаклар, тыюлыкларга, предприятиеләргә экскурсияләргә барачаклар, су, һава анализлары үткәрәчәкләр һәм башкалар.
КФУ Экология һәм табигатьтән файдалану институтының метеорология, климатология һәм атмосфера экологиясе кафедрасы доценты Тимур Әүхәдиев билгеләп үткәнчә, институтның барлыкка килүе һәм алга таба эшләве методик яктан гына түгел, институт яшь экологларны фәнни шефлыкка алган.
Сыйныф мәктәп җитәкчелеге, Росприроднадзор, «Татарстан Республикасы буенча ЦЛАТИ» филиалы, КФУның Экология һәм табигатьтән файдалану институты һәм «Экорес» ҖЧҖ арасында килешү кысаларында төзелгән.