«Татарстан Республикасы педагогик бергәлегенең һөнәри үсеше кысаларында тьюторлык роленең артуы» темасына республика семинары

2013 нче елның 21 нче октябрендә Казан шәһәре Яңа Савин районының аерым фәннәрне тирәнтен өйрәтүче 177 нче номерлы урта гомуми белем бирү мәктәбе базасында “Татарстан Республикасы педагогик бергәлегенең һөнәри үсеше кысаларында тьюторлык роленең артуы“ темасына республика семинары узды.
Татарстан Республикасы мәгариф һәм министрлыгы, “Белем сыйфаты мониторингы республика үзәге” дәүләт бюджет оешмасы, “Татарстан Республикасының Мәгарифне үстерү институты” дәүләт автоном белем бирү учреждениясе белгечләре семинарда катнашучыларны 2014 елда дәүләт йомгаклау аттестациясе уздыруның норматив-хокукый һәм оештыру-технологик аспектлары белән таныштырдылар.
Семинарда психология фәннәре кандидаты, Ярославль өлкәсенең Белем сыйфатын бәяләү һәм контроль үзәгенең төп белгече Швецова Светлана Владимировна, Ярославль шәһәренең Мәгарифне үстерү шәһәр үзәгенең ситуатив анализ бүлеге җитәкчесе Нагорнов Илья Валерьевич чыгыш ясадылар.
Семинар барышында Казан шәһәренең Яңа Савин районы гомуми белем бирү оешмалары базасында (инглиз телен тирәнтен өйрәтүче 9 нчы номерлы урта гомуми белем бирү мәктәбе, 49 нчы номерлы урта гомуми белем бирү мәктәбе, 38 нче номерлы урта гомуми белем бирү мәктәбе, татар телендә белем бирүче 155 нче номерлы гимназия) дәүләт йомгаклау аттестациясенә әзерлек максатыннан уку фәннәре буенча секцияләр эше оештырылды.