"Геройлар янәшәдә" конкурсында катнашу өчен гаризалар кабул ителә башлады

2024 елның 13 ноябре, чәршәмбе

Татарстанда "Геройлар янәшәдә" патриотик юнәлешле ачык әдәби конкурсында катнашу өчен гаризалар кабул ителә башлады. Ул традицион рухи-әхлакый кыйммәтләрне һәм патриотизмны үстерү максатыннан үткәрелә. Конкурста 2022 елдан язылган һәм махсус операция бурычларын хәл итү барышында татарстанлыларның фидакарьлеген, батырлыгын, патриотлыгын чагылдыручы әдәби әсәрләр катнаша ала.

Гаризаны litkonkurs.tatmedia@mail.ru электрон почтасына "Герои рядом" тамгасы белән бирергә мөмкин. Барлык кызыксындырган мәгълүматны 8 (843) 570-31-12 телефоны буенча ачыкларга була.