Россия университетлары каршында максатчан әзерлек һәм карьера үзәкләре булдырырга телиләр
Россия университетлары каршында максатчан әзерлек һәм карьера үзәкләре булдырырга телиләр. Бу хакта Казанда Түбән Новгород өлкәсе һәм Идел буе федераль округы югары уку йортлары ректорлары советы рәисе, Түбән Новгород дәүләт университеты президенты, Чабаксар кооператив институты ректоры Роман Стронгин сөйләде.
ТР мәгариф һәм фән министры Илсур Һадиуллин Татарстанда 46 югары белем бирү учреждениесе эшләве турында әйтте, аларда 150 меңгә якын студент белем ала.
Татарстан Республикасы Мәгариф һәм фән министрлыгы башлыгы сүзләренә караганда, Казан федераль университеты - барлык төп проектларны гамәлгә ашыру буенча Татарстанның стратегик партнеры. Сүз инклюзив белем бирү, укытучыларны әзерләү һәм педагогларның квалификациясен күтәрү өлкәсендәге проектлар, төбәк инновацион мәйданчыклары, туган телләрне саклау буенча чаралар турында бара.
КФУ ректоры Ленар Сафин югары уку йортларының мәктәпләр белән дөрес төзелгән хезмәттәшлеге сыйфатлы белем бирүне үстерүдә мөһим роль уйный һәм белем бирүнең өзлексез булуын тәэмин итә, дип өстәде.