Казанда 7-11 нче сыйныф кадетлары арасында физика буенча «Ватанга хезмәт итәм! Халыкка хезмәт итәм!”республика олимпиадасы тәмамланды
23 ноябрьдән 25 ноябрьгә кадәр “Дуслык” сәламәтләндерү-белем бирү комплексы базасында гомуми белем бирү оешмаларының 7-11 кадет сыйныф укучылары арасында физика буенча “Ватанга хезмәт итәм! Халыкка хезмәт итәм!” - дип исемләнгән олимпиада узды.
Физика буенча олимпиадада Казан, Яр Чаллы, Минзәлә, Саба, Яшел Үзән, Чистай, Актаныш, Бөгелмә, Спас, Тәтеш, Кама Тамагы, Түбән Кама, Чирмешән районнарыннан 122 укучы-кадет катнашты.
Олимпиадада катнашучыларны компетентлы жюри әгъзалары - югары квалификацияле мөгаллимнәр, А.Н.Туполев исемендәге Казан милли тикшеренү техник университетының физика-математика, техник фәннәре кандидаты һәм докторлары, шулай ук Казан федераль университеты, шулай ук Татарстан Республикасының атказанган укытучылары бәяләде.
Җиңүчеләрне һәм призерларны әзерләгән укытучыларны ТР Мәгариф һәм фән министрлыгы грамотасы белән бүләкләделәр.