Дмитрий Чернышенко: 2025 елгы җәйге сәламәтләндерү кампаниясен әзерләүнең төп бурычы - балалар лагерьлары инфраструктурасын үстерү
Россия Хөкүмәте Рәисе урынбасары Дмитрий Чернышенко 2024 елгы җәйге сәламәтләндерү кампаниясе йомгакларына һәм киләсе сезонга өстенлекләрне билгеләүгә багышланган эшлекле киңәшмә үткәрде.
Анда Дәүләт Думасы Рәисе урынбасары Ирина Яровая, РФ мәгариф министры Сергей Кравцов, Дәүләт Думасының Гаиләне яклау, ата-ана булу һәм балачак мәсьәләләре комитеты рәисе Нина Останина, Сәламәтлек саклау һәм Мәдәният министрлыгы, Спорт министрлыгы, Роспотребнадзор, Россия Эчке эшләр министрлыгы, Россия Гадәттән тыш хәлләр министрлыгы, Росяшьләр вәкилләре катнашты.
Вице-премьер сүзләренчә, Дәүләт Думасы балалар ялына һәм сәламәтләндерүгә бәйле мәсьәләләргә аеруча зур игътибар бирә. 1 октябрьдә үткән "хөкүмәт сәгатендә" төп аспектлар каралды.
Хөкүмәт рәисе урынбасары Дәүләт Думасы депутатларына һәм шәхсән Вячеслав Володинга, шулай ук Федерация Советы һәм Рәисе Валентина Матвиенкога балалар ялына бәйле мәсьәләләрне хәл итүгә ярдәм иткәннәре өчен рәхмәт белдерде.