Казанда «Мәктәп экопатруле» конкурсында җиңүчеләрне бүләкләячәкләр

2024 елның 27 ноябре, чәршәмбе

Иң күп чүплекләрне ачыклаган «Мәктәп экопатруле» республика конкурсында җиңүчеләрне 28 ноябрьдә «Әкият» курчак театрында бүләкләячәкләр.

Юбилей тантанасында призлар һәм дипломнар дүрт номинация буенча тапшырылачак: «Иң актив укучы», «Иң актив сыйныф», «Иң актив мәктәп», «Иң яхшы муниципаль район/шәһәр округы». «Мәктәп экопатруле» конкурсы республикада 2014 елдан бирле уздырыла. Бу уку елында 3114 гариза кергән, ә 10 ел эчендә барлыгы 51 меңнән артык гариза бирелгән. Укучыга катнашу өчен мобиль кушымтаны күчереп алырга, теркәлү узарга һәм чүплекләр төшерелгән фото- һәм видеохәбәрләр җибәрергә кирәк иде.