Яшь спортчылар арасында бүлмә авиамодельләре буенча Казан беренчелеге нәтиҗәләре
Авиамодель спорты - ул спортчылар билгеле бер кагыйдәләр буенча авиамодельләр ясауда һәм эшләтеп җибәрүдә күнегүләр ясый торган спорт төре. Авиамодельләр ирекле оча торган, корд, радиоидарә ителә торган һ.б. булырга мөмкин.
Мөстәкыйль рәвештә самолет ясау һәм аны күккә очыру - авиамодельләштерү буенча түгәрәкләргә шөгыльләнергә килүчеләрнең төп мотивациясе. Күпләр үзләрен киләчәктә авиаконструктор яки очучы итеп күрәләр, ә кайберәүләр бик теләп белемнәрен киңәйтәләр.
Менә шундый балалар өчен 30 ноябрьдә 35 нче лицей- «Галактика» белем бирү үзәге базасында бүлмә авиамодельләре буенча Казан беренчелеге узды. Чарада шәһәребезнең мәгариф учреждениеләреннән 45 талантлы яшь авиамоделист катнашты. Ярышлар дусларча атмосферада узды, анда һәр катнашучы үз модельләрен һәм сынау осталыкларын күрсәтте.
Авиамодельләр буенча Казан беренчелеген үткәрү «Пилотсыз авиация системалары» милли проекты максатларына туры килә.