Татарстан җыелма командасы «Профессионаллар» чемпионаты финалыннан 34 медаль алып кайтты
Санкт-Петербургта 26 ноябрьдән 30 ноябрьгә кадәр - "Профессионаллар" Чемпионаты финалы узды. Анда Россия Федерациясенең 73 субъектыннан һәм 25 илдән конкурсантлар катнашты. Финал "Экспофорум" КВЦ, Санкт-Петербург шәһәре һәм Пулково аэропорты мәйданчыкларында узды.
Татарстан Республикасы җыелма командасы финалда 69 конкурсант һәм 69 эксперт тарафыннан 68 компетенциядә тәкъдим ителде. Финал йомгаклары буенча төп категория компетенцияләре буенча Татарстан Республикасы вәкилләре һәм яшүсмерләр 34 медаль: 11 алтын, 12 көмеш һәм 11 бронза медаль яуладылар.
Татарстан Республикасы индустриаль зачетында өстәмә рәвештә 7 медаль: 5 көмеш һәм 2 бронза алды. Шулай итеп, 2024 елның чемпионат циклында Татарстан Республикасының төрле дәрәҗәдәге 180 медале бар. Финал нәтиҗәләре буенча Татарстан Республикасы һөнәри осталык буенча Бөтенроссия чемпионаты хәрәкәтен үстерүдә актив катнашкан өчен Россия Федерациясе Хөкүмәтенең Рәхмәт хаты белән бүләкләнде.
Фото: https://disk.yandex.ru/d/196GEDW96PqHQ