Красноярск краеның туган телләре педагоглары өчен семинар-киңәшмә үткәрелде
27 ноябрьдән 29 ноябрьгә кадәр Красноярск краенда белем бирү эчтәлегенең этномәдәни татар компоненты булган мәгариф оешмалары җитәкчеләренең һәм укытучыларының семинар-киңәшмәсе узды.
Семинар-киңәшмә эшендә Красноярск крае Губернаторының җәмәгатьчелек белән элемтә идарәсе башлыгы урынбасары Рәшит Рафиков, Красноярск крае Мәгариф министрлыгының гомуми белем бирү бүлеге башлыгы урынбасары Татьяна Шопенкова, Красноярск крае мәгарифе эчтәлегенең этномәдәни (татар) компоненты булган мәгариф учреждениеләре директорлары һәм укытучылары катнашты.
Эш сәфәре кысаларында Красноярск крае Халыклар дуслыгы йортында түгәрәк өстәл һәм Красноярск краеның мәгариф үсеше институты администрациясе белән очрашу узды. Чаралар барышында төбәкләр арасында мәгариф һәм фән өлкәсендәге хезмәттәшлекнең төп юнәлешләре, шулай ук мәгариф учреждениеләрендә тел сәясәтен гамәлгә ашыру мәсьәләләре буенча фикер алыштылар. Федераль дәреслекләрне туган телләргә күчерү перспективалары турында фикер алыштылар. Катнашучылар мәгариф өлкәсендә актуаль бурычларны уртак хәл итүгә юнәлдерелгән үзара тирәнтен хезмәттәшлек кирәклегенә ышаныч белдерделәр. Семинар барышында Апас урта мәктәбе һәм Красноярск краеның Елга мәктәбе арасында хезмәттәшлек турында килешү имзаланды.