Республика олимпиада үзәгендә укыту-тренировка җыеннары уза
Татарстан Республикасы Мәгариф һәм фән министрлыгының Республика олимпиада үзәгенең “Дуслык” сәламәтлек-белем бирү комплексы бөтен республикадан 180дән артык укучыны кабул итте.
Балалар “Химия”, “Экология”, “Экономика”, “Татар телендә белем бирүче мәктәпләрдә укучылар өчен татар әдәбияты”, шулай ук “Рус телле татар мәктәпләре укучылары өчен татар әдәбияты” кебек юнәлешләр буенча укыту-тренировка җыеннарында белемнәрен сынаячаклар.
Смена 2 декабрьдә башланды һәм 8 декабрьгә кадәр дәвам итәчәк - бер атна эчендә укучылар үз юнәлешләре буенча киң белем алачак.
Химия буенча практик дәресләр Казан милли тикшеренү технология университетының неорганик химия кафедрасында уза. Икътисад буенча дәресләр Республика олимпиада үзәгендә уза.
Балалар өчен кичен уку һәм күңел ачу программасы әзерләнгән, алар бер-берсе белән таныша һәм белем генә түгел, яңа дуслар да табачак.