Илнең барлык мәктәпләре һәм педагоглары да диярлек "Сферум" белем бирү платформасында теркәлде
«Сферум» укыту мәсьәләләре буенча коммуникацияләрне оештыру өчен сервис быелгы беренчел йомгакларын ясады. Платформаны кулланучылар саны 30 млн кешедән артып киткән, шуларның 20 миллионга якыны мәгариф оешмаларының барлык типтагы укучылары, 2,1 млн педагог һәм 8 млн ата-аналар. Сервиска 80 меңгә якын мәгариф оешмасы тоташтырылган. Шул рәвешле, "Сферум"да Россия мәктәпләр, техникумнар һәм көллиятләр 100% диярлек теркәлгән. РФ Мәгариф министры Сергей Кравцов билгеләп үткәнчә, цифрлы белем бирү тирәлеген үстерү бүген бу платформадан башка мөмкин түгел.
Белем бирү платформасының иң кирәкле инструментларыннан берсе булып онлайн-дәресләр һәм ата-аналар җыелышлары уздыру өчен төркемләп шалтыратулар тора, моны шәхсән эшләп булмый.
"Сферум"ны кулланучы 10 актив төбәк исемлегенә декабрьдә Томск, Самара, Курск, Липецк, Киров, Амур һәм Тамбов өлкәләре, шулай ук Ямал-Ненец автономияле округы, Башкортостан Республикасы һәм Кабардино-Балкария Республикасы кергән.
2024 елда "Сферум" иҗтимагый оешмалар белән партнерлыкта берничә социаль әһәмиятле проект эшләтеп җибәрде. Хәзер сервис кулланучылары "Пушкин картасы" программасы кысаларында мәдәни чараларны өйрәнергә һәм сайларга мөмкин. Ноябрьдә бу инструменттан 70,5 меңнән артык кеше файдаланган.