Республика чыршы бәйрәмендә Чаллыдан МХОда катнашучылар гаиләсеннән 1,2 мең бала катнашачак
25 декабрьдә Казанда «Татнефть Арена» боз сараенда МХО сугышчыларының балалары өчен Республика Яңа ел чыршысы узачак. Чаллыдан анда 10 яшьтән 17 яшькә кадәрге 1200 бала катнашачак.
Моннан тыш, 17 декабрьдән 25 декабрьгә кадәр 8 488 бала- отличник, иҗтимагый оешмалар активистлары, инвалид балалар һәм аз керемле гаиләләрдән булган балалар, шулай ук махсус хәрби операция зонасында хезмәт итүче балалар өчен мэрның традицион чыршы бәйрәмнәре узачак.
Шулай ук мәдәният учреждениеләре 11 декабрьдән башлап старт алачак мавыктыргыч программалар әзерләгән. Балалар һәм аларның ата-аналары «КАМАЗ» Мәдәният сараенда «Дөнья тирәли Яңа ел сәламе» интерактив музыкаль спектаклен һәм «Энергетик» мәдәният сараенда «Алиса в стране новогодних чудес» музыкаль спектаклен карый алачаклар.
Аяз Гыйләҗев исемендәге Татар драма театрында «Әбугалисина» балалар әкияте, ә «Мастеровые» рус драма театрында «Буратино»спектакле тәкъдим ителәчәк.