Татарстанның яшь географларының IX республика турниры узды
7 һәм 8 декабрь көннәрендә “Дуслык” савыктыру-белем бирү комплексы базасында Татарстанның 9 муниципаль берәмлегеннән: Азнакай, Актаныш, Апас, Бөгелмә, Кукмара, Балык Бистәсе, Спас, Чирмешән районнарыннан килгән 14 команда катнашында Татарстанның яшь географларының IX республика турниры узды.
Компетентлы жюри әгъзалары Казан федераль университетының географик һәм экологик белем теориясе һәм методикасы кафедрасы, сервис һәм туризм кафедрасы, география һәм картография кафедрасы, халыкара икътисадый мөнәсәбәтләр кафедрасы хезмәткәрләре иде.
«Сеньора» лигасында 2 команда 1 нче дәрәҗә дипломнарга ия булды: «SiO2» командасы составында Казанның Вахитов районының 131 нче лицее һәм 7 нче гимназия укучыларының «ЭврикУм» командалары.
«Юниорлар» лигасында 1 дәрәҗә диплом иясе һәм җиңүче исеменә Апас урта гомуми белем бирү мәктәбенең аерым фәннәрне тирәнтен өйрәтүче «Азимут» командасы лаек булды.
Командаларны географик турнирга әзерләгән укытучылар рәхмәт хатлары белән бүләкләнде.