Татарстанда милли мәктәпләр укучылары өчен астрономия, география һәм рус теле буенча җыеннар үткәрелә

2024 елның 11 декабре, чәршәмбе

2024 елның 9 - 15 декабрендә Татарстанда астрономия, география һәм рус теле буенча «Ноосфера» һәм «Олимп» профиль сменалары кысаларында милли (рус булмаган) мәктәпләрдә укучылар өчен уку-тренировка җыеннары уза.

Быел җыеннарда Татарстанның төрле муниципаль районнарыннан 80нән артык укучы катнаша, шул исәптән Азнакай, Әтнә, Балтач, Бөгелмә, Биектау, Чүпрәле, Мамадыш һәм Чистай, шулай ук Казан һәм Чаллы кебек эре шәһәрләрдән.

Бу укучылар өчен белемнәреңне тирәнәйтү генә түгел, республиканың төрле почмакларыннан килгән яшьтәшләр белән тәҗрибә уртаклашу мөмкинлеге дә.