Казанда республика югары уку йортлары арасында "Чит ил студенты көне" фестиваленең Гала-концерты узды
11 декабрьдә Б.Рәмиев исемендәге IT-паркта республика югары уку йортлары арасында “Чит ил студенты көне” фестиваленең Гала-концерты узды.
Фестиваль Татарстан Республикасы Мәгариф һәм фән министрлыгы тарафыннан Татарстан халыклары Яшьләр ассамблеясе белән берлектә уздырыла.
Фестивальгә 11 илдән 50 дән артык гариза бирелгән, аларның студентлары Татарстан Республикасында югары уку йортларында белем ала. Конкурс 5 номинация буенча үткәрелде: бию, вокал, музыка, оригиналь жанр һәм театр. Конкурсантлар үз илләрен тәкъдим иттеләр, үзләренең осталыкларын күрсәттеләр.
Оригинал жанр һәм театр елдан-ел популярлаша бара. Әйтик, "Оригиналь жанр" номинациясендә Үзбәкстан студентлары Мирзо Авезов һәм Асадбек Абдихалилов милли костюм киелгән курчаклар ярдәмендә үз тәннәре белән идарә итү осталыгын күрсәттеләр. Таҗикстаннан Әмирхан Әхмәдов рэп-композицияне рус һәм таҗик телләрендә башкарды.
Гала-концертның махсус кунагы Казахстаннан - Байконур шәһәре делегациясе составында килгән Бахытҗан Макшата булды.
Быел «Чит ил студенты көне» фестиваленең Гран-при иясе Карина Нажимова булды, ул «Казакъстан» җыры белән Казахстанны тәкъдим иткән Казан дәүләт мәдәният институты студенты.