Владимир Путин мәктәпләргә рус телен белмәгән мигрантлар балаларын кабул итүне тыюны хуплады
Россия Президенты Владимир Путин турыдан-туры линия барышында мигрантларның балаларын рус телен белмичә мәктәпкә кабул итүне тыя торган закон проектын хуплады.
"Дәүләт Думасы мәктәпләргә рус телен белмәгән мигрантлар балаларын кабул итмәскә хокукы булу турындагы канунны кабул итте. Гомумән алганда, бу аңлашыла. Әгәр ул телне белмәсә баланы мәктәптә ничек укытырга мөмкин? Бу вакытта аның белән аерым шөгыльләнергә кирәк, моның өчен кем түләячәк ?", - дип билгеләде дәүләт башлыгы.
Президент сүзләренчә, Россиягә килгән кешеләргә сәламәтлек саклау һәм социаль тәэмин итү өлкәсендә хокуклар гарантияләнергә тиеш, әмма бу җирле халыкка өстәмә йөкләнеш тудырмасын өчен. Дәүләт Думасы канунны беренче укылышта 10 декабрьдә, икенче һәм өченче укылышта икенче көнне кабул итте.
Федерация Советының фән, мәгариф һәм мәдәният комитеты рус телен белмәгән чит ил гражданнарының мәктәпләренә керүне тыю турындагы канунны хупларга тәкъдим итте. Закон 2025 елның 1 апреленнән үз көченә керергә тиеш.